Accept

Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

El Principáu aprueba'l presupuestu p'aniciar el saneamientu del Pinzales-Aboñu

Votes

(Votes count 295)

(Rating average 3,00)

- Marejada1.jpeg
Esta obra zarrará'l saneamientu de la conca oeste del conceyu de Xixón.
El Conseyu de Gobiernu del Principáu autorizó'l 9 de payares pasáu un gastu de 12,3 millones d'euros pa les obres del colector interceutor de los ríos Aboñu y Pinzales. Esta obra, que'l Principáu quier alxudicar nel entamu d'esti 2007, ye una de les inversiones que rescamplen na estaya mediuambiental na parte de los preupuestos rexonales que correspuenden a Xixón. El proyeutu, que tenta d'ameyorar la calidá de tol área marítima qu'afeuta a Xixón y Carreñu, entamará en dos estayes, con un plazu d'execución de 36 meses. La primera d'eses estayes, que tien el presupuestu de 112,3 millones d'euros, va dende'l cachu qu'hai ente la depuradora d'Aboñu, en La Reguerona, y la zona industrial de Veriña. La segunda estaya, que tendrá un presupuestu de 5 millones d'euros, ye la que va dende Veriña a Fresno. El Principáu quier llevar al empar la so execución y entamar estes obres tamién nel 2007. Les parroquies de la zona Oeste del Conceyu de Xixón tarán beneficiaes por esti nuevu colector interceutor; trátase de les parroquies de Montiana, Puao, Serín, L'Abadía Cenero, Porceyo y San Andrés de los Tacones, al mesmu tiempu que les instalaciones industriales d'Aboñu y Veriña tamién sacarán provechu; al egual que los polígonos de Somonte, Bankunión II, La Peñona y la futura Zona d'Actividaes Loxístiques e Industriales d'Asturies (ZALIA). El colector midirá más de siete kilómetros y los trabayos de construcción durarán más d'un añu, colo que quiciás algamen la fecha de 2010. La conca Oeste, axustándose al Plan de Saneamientu Integral de Xixón, amesta los ríos Cutis y Pilón cola conca de La Calzada. Esta zona lleva les agües prietes al alliviaderu y pozu de retenida d'El Natahoyo y, dempués, son unviaes a la planta de pretratamientu d'El Musel, dende onde pasen a la depuradora de La Reguerona. Xustamente, sedrá nesta instalación u tamién acaben les agües residuales del futuru colector de los ríos Aboñu y Pinzales. P'acabar, les agües yá trataes son unviaes al mar a traviés del emisariu somorguiáu d'Aboñu, que vierte dellos metros al norte de la futura ampliación d'El Musel
Palabras clave 2010, Gijón, Agua