Accept

Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

Thyssen apuesta por Xixón

Votes

(Votes count 124)

(Rating average 3,02)

Thyssen apuesta por Xixón
La empresa Thyssen escueye la Universidá Llaboral pal so centru d'investigación
La multinacional Thyssen-Krupp asitiará na Universidá Llaboral el so centru mundial de I+D+I, col envís de desendolcar nuevos proyeutos empobinaos a la so estaya d'escaleres mecániques, pasiellos rodantes y pasareles d'embarque pa los aviones. L'alcuerdu señaláu foi robláu'l xueves 11 de xineru pol Presidente de Thyssen, D. Ramón Sotomayor, y pol xefe del Executivu asturianu, D. Vicente Álvarez Areces, tres una rapidísima negociación p'allugar estes instalaciones n'Asturies, onde Thyssen tien dos factoríes. Nes nueves dependencies trabayarán 50 téunicos de la compañía alemana, dedicándose al desendolcu de productos nuevos y a la construcción de prototipos. Allugará tamién una escuela de Innovación, en collaboración cola Universidá d'Uviéu. El Gobiernu asturianu comprometió una aportación anicial de 10 millones d'euros, pa sofitar el desendolque de los proyeutos d'investigación que s'entamen na Universidá Llaboral. Según indicó en rueda de prensa'l Presidente de Thyssen, la unidá de negociu d'escaleres y pasareles, con sede en Llondres, quier poner enfotu nesti centru independizáu de les sos factoríes en Forth Worth (EE.UU.), Zhongshan (China), Hamburgu (Alemania) y Mieres (España), ante la necesidá qu'impón el mercáu "d'acurtiar el llanzamientu de nuevos productos". Hai qu'alcordase de que'l Gobiernu rexonal, tres les transferencies educatives, tenta de tresformar la Universidá Llaboral nuna "Ciudá de Cultura", qu'allugará un Centru d'Arte y Creación Industrial, la Escuela Superior d'Arte Dramáticu, delles dependencies educatives y la sede de la televisión autonómica.
Palabras clave 2010, Gijón, Solidario, Empleo, 2016