Accept

Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

Infoxixón algama la "Q" de calidá turística

Votes

(Votes count 61)

(Rating average 3,03)

Infoxixón algama la "Q" de calidá turística
La marca reconoz el so esfuerzu pol ameyoramientu continuáu y pola so implicación por ufiertar un meyor serviciu a los sos usuarios
El serviciu municipal d'información turística INFOXIXÓN algamó la certificación de la marca "Q" del Institutu pa la Calidá Turística Española (ICTE). Esti distintivu ye unu de los más prestixosos del nuesu país y la so imaxe ye mui familiar dientro de la estaya turística. Poro, les oficines de turismu municipales tendrán dende güei mesmu un nuevu distintivu, fácilmente reconocible en tol ámbitu nacional y que supón la certificación de la garantía y la profesionalidá. Infoxixón ye'l quinto serviciu certificáu n'Asturies, dempués de Cuideiru, Cangues d'Onís, Llanes y Ribasella. Tras el País Vasco, con seis, Asturies ye la segunda comunidá autónoma con más oficines d'información turística certificaes, lo qu'amuesa'l interés del Ayuntamientu por ameyorar los sos servicios. Nun ye la primera vegada qu' Infoxixón trabaya p'algamar los sistemes de calidá; yá en 2002 Xixón tevo la primera oficina con certificación ISO 9001, a nivel nacional. Posteriormente, siguió-y el Sistema de Calidá Turística Española, SICTED. Los sos cimientos tienen l'enfotu nel Plan de calidá en destín, sofitáu por Xixón en 2001, dientro'l Plan d'Escelencia Turística. Nel 2005, Xixón xuníase a la marca rexonal de calidá con una sorrisa, y al sellu de la EFQM, qu'algamó tola Sociedá Mista de Turismu, dientro'l proyeutu del Club Asturianu de la Calidá "Misión: Empresa Escelente". El so trabayu pol ameyoramientu de la xestión foi reconocíu pol Principáu con una mención especial, con motivu del XX Aniversariu de la marca turística "Asturies, Paraísu Natural"