Accept

Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

EMULSA continúa coles sos llimpieces especiales en barrios

Votes

(Votes count 272)

(Rating average 3,00)

EMULSA continúa coles sos llimpieces especiales en barrios
EMULSA fae en 2007, 24 llimpieces especiales en Xixón más guapu, barriu a barriu.
Como novedá, al rodiu de 10.000 guah.es de los centros escolares de les zones conviértense, per dalgunos díes, n'inspeutores de llimpieza de les sos cais, col programa Mirando'l barriu con llupa verde. Los operarios de la Empresa Municipal de Llimpieces de Xixón (EMULSA) continúen coles campañaes de llimpieza especial Xixón más guapu, barriu a barriu, qu'anguaño algamen a 27 zones del conceyu. Nuna selmana, al rodio de 30 trabayaores d'EMULSA remociquen fonderamente una zona d'un barriu pa desendolcar una llimpieza especial que ye más profunda que les que se faen davezu, nel día a día, como'l barríu les cais o la recoyida pela nueche de restos sólidos urbanos. Nestos díes y peles mañanes, los trabayadores d'EMULSA faen baldeos, baldianddo manualmente y per aciu de les máquines, de les cais; barríos mecánicos y aspiraos de les aceres que tamién son llavaes a presión; llimpieza de pintaes, llaváu y caltenimientu de papeleres; desratización; señalización vertical y horizontal o la llimpieza per dientru y por fora de los contenedores. L'envís ye doble. Per un llau repasiar fonderamente eses zones al estilu de les llimpieces especiales que facemos nes nueses cases dacuandu; y per otru llau, güeyar n'horariu diurnu'l trabayu que fae EMULSA y que asitia a Xixón ente les ciudaes más llimpies d'España. La zona del barriu L'Arena tien un tratamientu especial nos fines de selmana de tol añu y EMULSA empobina los meses de xunu, xunetu, agostu y setiembre al Plan Especial de Playes y Paseos. Dientro l'oxetivu d'EMULSA, ta educar a los neños al rodio del respetu al mediuambiente y la llimpieza urbana. Esti añu desendolcaráse nos colexos l'actividá "Mirando'l barriu con llupa verde", na que dellos guah.es dividíos n'equipos y acompañaos por una monitora fadrán, una selmana enantes de la llimpieza especial, percorríos peles cais pa observar e informar al rodio de los problemes de llimpieza nes cais, places y parques. Tendrán l'apoyu d'un planu y fadrán un informe con denuncies y suxerencies que l'equipu d'EMULSA axuntará a los sos trabayos de llimpieza. Enantes del branu EMULSA trabayará en zones de Nuevu Xixón, Cotu - Viesques, Llaviada, La Calzada, La Guía-Somió, Pumarín, El Llano, Natahoyo, Contrueces, Moreda, L'ARena, Centru y Cimavilla, onde finará la primera fase en xunu.