Accept

Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

Un branu enllenu d'actividaes pa toos

Votes

(Votes count 297)

(Rating average 3,00)

Un branu enllenu d'actividaes pa toos
Dende'l 5 de xunu ábrese'l plazu d'inscripción a les actividaes estivales de la Universidá Popular, Patronatu Deportivu, Botánicu, Museos Municipales y Acuariu.
Téntase d'algamar qu'en cada edición el branu xixonés llegue a más persones, simplificando l'accesu a la información y faciendo que los trámites d'inscripción seyan lo más cenciellos posible. Poro, esto nun ye más qu'un elementu a amestar al total de la ufierta de branu. L'añu caberu hebo al rodiu de 7.500 inscripciones. El programa Xixón Branu '07 ufierta la posibilidá d'inscribise en: ▼ Más de 60 cursinos de la Universidá Popular ▼ 20 campamentos, colonies, talleres en museos y actividaes nel Muséu y nel Xardín Botánicu Atlánticu. ▼ Más de 70 eventos deportivos, espardíos per tol branu, per toles instalaciones municipales de Xixón. ▼ 23 llugares pa facer les inscripciones, amestando oficines d'atención al ciudadanu, la rede de caxeros y, dafecho, tolos dommicilios de Xixón coneutaos a internet y que quieran usar esta perguapa ferramienta. Esto, en cifres, supón más de 14.000 places; el so presupuestu ye de más de 350.000 €. P'acabar, como diz l'eslogan d'esta campaña "Tol branu ta'l alcance de les tos manes", y de tolos tentáculos, como representa la perprestosa imaxe, braniega y marina, escoyida pa dar puxu a la ufierta d'anguaño. Imprentáronse 15.000 folletos, que tarán disponibles en toles oficines d'atención al ciudadanu y nos equipamientos municipales onde se fagan les actividaes: centros deportivos, centros culturales, museos, Acuariu y Botánicu. Tamién se podrán consultar, a traviés d'interné, na páxina na rede del Ayuntamientu: www.gijon.es