Accept

Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

La Oficina de la Llingua Organiza un ciclu de conferencies al rodiu de la ciencia

Votes

(Votes count 334)

(Rating average 3,01)

La Oficina de la Llingua Organiza un ciclu de conferencies al rodiu de la ciencia
El Centru de Cultura Antiguu Institutu de Xixón (CCAI) abellugará dende'l martes próximu hasta'l vienres 25, a les 19:30, el ciclu de conferencies "L'asturianu sí tien ciencia", nel que varios espertos falarán sobre ciencia y teunología con motivo de la celebración n'España del Añu de la Ciencia.
El martes 22 sedrá la charra "Ente la ciencia llingüística y el mitu de la llingua", na que'l coordinador del Seminariu de Filoloxía Asturiana de la Universidá d'Uviéu, D. Xulio Viejo Fernández, fará un repás de los mitos y discursos históricos sobre el llinguaxe hasta la constitución de la moderna ciencia llingüística. El miércoles 23, el miembru del departamentu d'Informática de la Universidá d'Uviéu, D. Xabiel G. Pañeda charrará al rodiu de "Redes de distribución peer to peer", el sistema de distribución de conteníos más importante n'interné. El xueves 24, el CCAI abellugará la ponencia "Xenómica. Desenduvellando'l filangrayu de la vida", na que'l representante del Institutu Européu de Bio-informática (Cambridge), D. Xosé M. Fernández falará sobre la revolución de la xenética. El vienres 25, el biólogu del Centru Oceanográficu de Xixón, D. Xosé Ánxelu García Morán disertará sobre "La mar de bichos. Una introducción a la ecoloxía acuática microbiana" que tratará sobre la bayura de micro-organismos nos océanos. Per otru llau, los cuatro ponentes preparen un llibru d'ensayos na mesma llínia de les conferencies, nomáu La ciencia n'otres palabres, que previsiblemente s'asoleyará enantes del branu.